Villa hnehin Palace an tlang

Crystal Palace chuan Wembley Stadium-ah Aston Villa 3-0 in an hneh a, an phu ang ngeiin FA Cup final an lut - nizan khan Manchester City leh Nottingham Forest ten semifinal pakhat zawk an khel ve thung.

Palace tan hian Eberechi Eze-a'n goal hmahruai a khung hnuah Ismaila Sarr chuan goal hnih a khung belh. Unai Emery enkawl Villa lamin nawr let viau mah se a chhanletna tur an nei lo.

Oliver Glasner enkawl Palace hian a vawi thum nan FA Cup final an khel dawn a, knockout tournament upa berah hian an la champion ngai lo, kum 2016 hnua final an khelh leh hmasak ber turah thapui an thawh ang.

Palace manager Glasner chuan, "Player kan lah belh ten nasa takin squad an ti chak a, a rah chhuah chu kan hmu ta a ni. Stadium nuam leh ropui takah kan inkhel a, khelmual pawn aṭanga min thlawp tute kha sawi hmaih theih an ni lo bawk," a ti.