Lunglei fight night a hlawhtling

HPC Lunglei Fight Night chu Zirtawpni zan khan K. Liantawna Hall, Pukpuiah a hmawr bawk a ni. Boxer hriat hlawh Laldinsanga chuan a khingpui Bryan James Wild (Philippines) chu technical knockout hmangin a hneh.

Dinsanga hian professional boxing a luhchilh hnuah, inhnek vawi 11 hmachhawn tawhin a la chak fai vek; a hma a ding apiang chu a hneh zel a ni. Chak lo James hi inhnek vawi 16 a hmachhawn tawhah vawi thum a tlawmna a ni thung.

Fight Night zan hmasa zawkah Vanlalawmpuia (Khuangthing) chuan Praveen M (Kerala) chu Unanimous Decision (80-72, 79-73, 80-72) in a hneh ve bawk a, professional match vawi 16 a khelh tawhah ṭum 12 a chak tling ta chiah bawk.