Semifinal-ah Thunder an lut

Oklahoma City Thunder chu NBA conference semifinal lut hmasa ber an ni. Thunder hian best of seven series khelh turah Memphis Grizzlies chu 4-0 in an hneh.

Nimin zing khan FedExForum-ah game 4 khelh niin, Thunder hian an khingpui Memphis Grizzlies chu 117-115 in an hneh; an chak theih nan hian point 38 neitu Shai Gilgeous-Alexander a langsar hle.

Gilgeous-Alexander hian season duhawm a hmang mek, regular season bikah pawh khan chawhrualin match khatah point 32 zel a nei phak; match 68 zet chakin sulhnu an nei ṭha hle, tunah champion tumin kawng dik an zawh chhunzawm.

Western Conference lama seeded pakhatna Thunder hian an match lehpekah chuan Denver Nuggets leh Los Angeles Clippers te inkhela chak zawk an hmachhawn leh ang, team pahnih te hi series-ah 2-2 in an inhnehtawk mek a ni.