Sabalenka a chak awlsam

Aryna Sabalenka chuan a vawi thum nan Madrid Open nomawi chawi ngei a tum a, kuminah pawh inelna bul a ṭan fuh - a match hmasa berah Anna Blinkova chu 6-3, 6-4 in a hneh.

Hmeichhe tennis world number 1 Sabalenka hian kum 2021 leh 2023 khan Madrid Open nomawi hi a lo chawi tawh a, tournament bikah hian match 18 chak tawhin ṭum li chu chak loh a nei ve tawh thung - season hmasa khan Iga Swiatek hneh loin pahnihna dinhmun a luah.

Belarus nula Sabalenka chuan, "Tournament kan khelh apiang hi kan tan chuan chona a ni nghal zel a, tun ṭumah pawh hian a hma lama nomawi ka lo chawi tawh kha ka chhawm thei lo, a bul aṭangin ka ṭan thar zel," tiin a sawi.