Jerz-ah Alex Marquez a chak

Pathianni zana tlan zawh tak Spanish Grand Prix-ah Alex Marquez a chak ber a, tlankawng nuam leh mawi tia an sawi ṭhin Jerez-ah hnehna a chan vawi khatna a ni.

Sprint Race an neih ṭumin Alex hi pasarihna a ni a, mahse a hmuna entu 100,000 zet hmaah intlansiak pangngai a tlan ṭha hle a, midang chunga leng a ni - a tir lama che fuh lo Marc Marquez chu 12-naah a thleng thung.

Ducati rider Alex Marquez chuan, "Intlansiak tir lamah Marc chesual ka hmu a, ka hun a lo thleng ve dawn ta a nih hi tih ka ngaihtuah nghal, a tlan sual hma pawh khan chak beiseina chu ka nei tho, mahse a hnuah kha chuan ka tan kawng a inhawng zau zual ta a ni," tiin a sawi.

Khawvela bike intlansiakna sang leh ngaihhlut ber season kal laiah Alex hian point 140 hmuin hma a hruai mek, amah hnaih bertu chu a u Marc Marquez niin an inthlauhna chu point khat chauh a ni thung.