Semifinal kalkawng

Inter Milan hi group stage-ah palina an ni a, semifinal lut tur hian an ṭha tawk tih a lang. Group stage-ah Man City nen goal awm loin an inhnehtawk a, Bayer Leverkusen lakah 1-0 in an tlawm bawk. Mahse, an khingpui dang Red Star Belgrade, Young Boys, Arsenal, RB Leipzig, Sparta Prague leh Monaco te an hneh vek.

Knockout chinah Inter Milan hian Feyenoord leh Bayern Munich te an hneh leh bawk. Italian club hneh zingah Real Madrid hnehtu Arsenal an tel a, chutihrualin an khingpui Barca pawh hi Real Madrid ngamtu tho an ni.

Barca hian Monaco hneh loin bul an ṭan a, group stage match hnuhnung berah Atalanta nen an inhnehtawk bawk. Mahse, an khingpui dang Young Boys, Bayern Munich, Red Star Belgrade, Brest, Borussia Dortmund leh Benfica te an hneh vek. Group stage-ah pahnihna an ni a, Inter nen an point hmuh zat a inang tih erawh hriat a ṭha.

Knockout stage chinah Barcelona hian Benfica leh Dortmund te an hneh leh bawk. Catalan club hian semifinal first leg-ah Dortmund 4-0 in an sawp a, khualmualah 3-1 in an chak lo. An result en hian chesual ve thei an ni tih a lang.