Ancelotti leh Brazil inhnaih

Real Madrid coach Carlo Ancelotti chuan season tawpah Madrid khaw club chhuahsanin Brazil a enkawl ngei dawn niin a lang ta a, khawthlang media rintlakte chuan Italian coach leh Brazil hi a thuphungin an inrem tawh niin an tarlang hial.

Journalist rintlak Fabrizio Romano chuan Ancelotti hian June-ah chuan Brazil hi a enkawl tawh tur thu a tarlang a, Brazilian Football Federation (CBF) chuan June thlatira Ecuador leh Paraguay te nen World Cup qualifier an khelh hunah Ancelotti hian Brazil enkawl hman se, an duh.

BBC pawhin Copa del Rey final kha CBF aiawh, sumdawng hausa Diego Fernandes chuan a hmunah a en thu an tarlang a, Ancelotti chu European football season a zawh ruala Brazil zawm nghal tura hmin a tum thu an tarlang.

Kum 65 mi Ancelotti hian June 2021 khan a vawi hnih nan Real hi a enkawl a, La Liga (2), Copa del Rey, Champions League (2), UEFA Super Cup (2), FIFA Club World Cup leh FIFA Intercontinental Cup-ah te a champion pui a, tun season erawh 'nil' thei dinhmunah an ding mek.