Chelsea-in Fofana chhuahtir an phal

Ligue 1 club langsar Marseille chuan Chelsea centre back Wesley Fofana an ngaihven mek a, Blues chuan an defender hi chhuahtir an pawi ti lo niin khawthlang media-te chuan an tarlang.

Kum 24 mi Fofana hian August 2022 khan Blues hi pound maktaduai 75 thlenga a man sang chho thei turin a zawm a, mahse, hliamin a tlakbuak ngun avangin match 34 chiah a la khelhsak.

Fofana hi tun dinhmunah pawh hliam vangin a chawl mek. March thla khan thla thum a chawlh hnuah a lo kir a, mahse, tun thlatir khan a hliam vanga zai a nih tur thu sawi niin, season tawp thleng a chawl dawn.

London club hian a chhuah pawi an tih loh rualin, loan-a chhuahtir tur nge, hralh law law tur tih an ngaihtuah mek niin an sawi.