James hoin Lakers an chak

Ruai ṭheh ni, America ram lama Krismas an lawm ni khan Los Angeles Lakers chuan an khingpui Dallas Mavericks chu 138-115 in an hneh.

NBA champion tan hian season hmasa ang bawkin LeBron James leh Anthony Davis an hmuhnawm a, hnehna an chan theih nan an thawh hlawk leh hle.

Davis-a'n point 28 a nei a, star player James chuan point 22 bakah assist vawi 10 neiin double-double a nei. 

James hian Krismas ni bikah hian point 383 a nei ta a, point neih hnem lamah pahnihna dinhmun a luah. Lakers legend Kobe Bryant khan point 395 a nei a, nakkumah James hi a inlan leh a nih chuan khum theihna hun a nei ang.

Inkhel dangah Kevin Durant a hmuhnawm chhunzawm. NBA champion vawi hnih ni tawh Durant hian point 29 nei chungin Brooklyn Nets chu Boston Celtics lakah 123-95 in hnehna a chan pui.