Covid-19 do nan CAM che chhuak
Cricket Association of Mizoram (CAM) chuan Covid-19 do nan cheng nuai 5 an pe chhuak. CAM pawisa thawh hi chief minister relief fund-ah a lut a, a ṭul angin ram chhungah hman zui a ni ang.
Coronavirus-in infiamna khawvel a ti buai mek a, tualchhung cricket inelna ngaihhlut Mahuma Memorial I Division Tournament 2020 pawh chawlh lailawk mek a ni.
CAM chuan thuchhuah siamin, "State Level Task Force bakah distict leh tualchhunga hna thawktute, damdawi in lam thawktu leh tlawmngai pawl, mahni nunna thlapa hri leng dotute chu a zahin a thlawp tlat a ni," an ti.
Vanglaini zawhna chhangin CAM honorary secretary Mamon Majumdar chuan, "Ṭanpuina kan pe ve thei hi a lawmawm, pawisa pek chhuah hi duh mah ila mahni thua pe chhuak mai thei kan ni lo, BCCI president Sourav Ganguly ka bia a, a phalna in kan ti. Kan theihtawpin sorkar kan thlawp zel ang," a ti.