Mumbai City coach thar tur Lobera
Indian Super League-a FC Goa boss hlui Sergio Lobera chu Indian football lamah a lo kir leh thuai dawn niin a lang aIndian Super League-a FC Goa boss hlui Sergio Lobera chu Indian football lamah a lo kir leh thuai dawn niin a lang a, phai lam media ten an tarlan dan chuan Mumbai City zawm turin a inbuatsaih mek.
Lobera hi FC Goa-in season duhawm tak an hmang chungin rin loh taka ban a ni a, Indian football-ah pawh sawi zui a hlawh hle. Mahse, kum 43 mi manager hian a hna a thawh ṭhat miau avangin duhtu a ngah a, chung zingah chuan Mumbai lam hi a pan dawn ta niin a lang.
Manchester City nena inzawm Mumbai hi Portuguese coach Jorge Costa enkawlna hnuaiah season hnih liam ta kha an khel a, Porto defender hlui hi season tharah erawh an thawhpui tawh dawn lo.
Mumbai club neitu City Football Group (CFG) chuan Lobera khelh dan phung leh an duh dan a in mil niin an hria a, he thu buatsaih thleng hian contract chiang taka ziah fel la awm lo mah se a thu phung erawh chuan inremna a awm tawh a ni.