Rafael Nadal a chak

Rafael Nadal chuan Adrian Mannarino hnehin China Open second round a paltlang a, inkhel dang-ah Milos Raonic chuan Malek Jaziri a hneh ve bawk.

Ningania inkhelah Grand Slam vawi 14 champion tawh Nadal-a'n bul a ṭan fuh a, game hmasa 11 aṭanga pakua zet lain set hmasa zawk chu hnehsawh takin 6-1 in a la. Set hnihnaah erawh Mannarino-a'n theih tawp rawm chhuah vein an inkhel tawk hle a, a tawpah Nadal hi 7-6(6) in a vannei zawkah a ṭang.

Kum 30-a upa Nadal chuan, "Bul ṭan ṭha hle mah ila ka khingpui khan huaisen taka min beih let miau avangin inkhel harsa tak a ni a, a tawpah ka vannei hram," tiin a sawi. Spain tlangval hian seeded parukna Lucas Pouille hnehtu Grigor Dimitrov chu nizan khan a hmachhawn zui leh a, result kan hre hman lo.

Wimbledon finalist Raonic pawhin awlsam takin quarterfinal a lut mai bik lo, Canadian tlangval hian Jaziri chu 6-3, 6-4 in a hneh. Seeded pathumna Raonic hian tun hma lama a la hmachhawn ngai loh player a hma-
chhawnna hma-sa berah hnehna a chang.