Zhang Shuai lakah Simona Halep chak lo

China Open khelh mekah world number 36 Zhang Shuai chuan seeded palina Simona Halep hnehin quarterfinal a lut. World number 36 Zhang hi kum 2013-a Li Na-i'n quarterfinal a luh hnua khawtual hmeichhe tennis player hetiang dinhmun thleng leh thei hmasa ber a ni.

Ningani inkhelah Zhang Shuai hian minute 58 chhung lekain Halep lakah hian 6-0, 6-3 in hnehna a chang. Beijing-ah hian beisei loh result dang kan lo hmu tawh bawk a, world number 1 Angelique Kerber chu Elina Svitolina lakah a lo tlawm tawh.

Zheng hian kumin kumtir lam khan Australian Open champion Kerber chu Qatar Open-ah a lo hneh tawk bawk a, tun ṭum leh German nula Kerber a hneh ṭum hi tennis a khelh hun chhunga a khelh ṭhat ber ṭum hnih ni hiala a hriat thu a sawi.