Southgate-a hoin England

Euro 2016 last 16-ah Iceland-in khawvel barakhaihin England an hnawt chhuak a, team tenau zawka ngaih Iceland chak chhan chu England an hriat chian vang a ni - Iceland squad zinga mi Eidur Gudjohnsen chuan hemi chung-chang hi sawi chhuakin, "Kan coach Lars Lagerbeck khan England kha a hrechiang a, khawvela team an phu tawk aia nasaa fak rawn an nih thu min hrilh a ni," tiin England kha hlauhna nei loa an hmachhawn thu a sawi.

England-in coah Roy Hodg-son an ban zui a, West Brom boss hlui aia an lak Sam Allardyce chu thamna sum a lo lak avangin karhmasa lawk khan a chawl - a aiawh tura an ruat lailawk chu Under 21 coach Gareth South-gate a ni. Team talbuai England hian zanin dar 9:30-ah Malta an mikhual dawn a, team tenau an mikhual dawn avangin an mualphona thaireh turin hun ṭha an neiah ngaih a ni a, Gudjohnsen-a thusawi dik lohna lantir an duh bawk ang.

Tottenham Hotspurs defender Kyle Walker chuan, "Euro-ah kha chuan game plan pakhat chiah kan nei a, chu chu a hlawhtlin loh chuan tih leh tur kan hre tawh lo. Tunah erawh game plan mumal zawk nei chungin kan khel tawh dawn a, plan hmasa zawk a hlawhtling lo a nih pawn khelh dan tur kan hre tawh a ni. Malta nen kan inhmachhawn hunah chuan team danglam kan ni tawh ang," tiin a sawi a, zaninah hnehna an chan theih a beisei.

Zanin dar 12:15 hian Ger-many chuan Czech Republic an mikhual dawn bawk a, hliam vangin striker Mario Gomez inhnukdawk mah se goalkeeper Manuel Neuer chuan buaina an neih loh thu a sawi. Germany cap-tain chuan, "Kan hnena Mario Gomez tel thei lo tur hi pawi kan ti takzet a, mah se kan squad-ah hian khawi hmunah pawh khel thei player kan kawl nual avangin kan buai lo. Goal khung thei tak tak player kan kawl nual a ni," tiin an buai loh thu a sawi.