Pistons hnehtu Knicks

Jalen Brunson-a point 40 neih hmangin New York Knicks chuan Detroit Pistons chu 116-113 in an hneh a, best of seven series chu 4-2 a la in Eastern Conference semifinal an lut.

Knicks leh Pistons te an inkhel tawk hle a, hun tawp dawn thlengin an dinhmun a inthlau lo. Mahse, hun pawimawh laiah Brunson chuan 3-points vawm lutin a team a chakpui, hun tawp hma second 4.3 chauh awm tawhah basket pawimawh bik a nei a ni.

Eastern Conference semifinal-ah chuan Knicks hian Boston Celtics an hmachhawn dawn, an hmaa ding tur Celtics hi vawi 18 champion tawh leh tunlai team hmuhnawm bik an nih avangin hna a hautak hle ang.

Kum 28 mi Brunson chuan, "A tawpah ka hming a langsar a, kan chak chhan erawh player zawng zawng tih ṭhat vang a ni zawk, tunah chuan chona hautak zawk hmachhawn turin kan inbuatsaih ang," a ti.

Nimin zing inkhel dangah Los Angeles Clippers chuan Denver Nuggets chu 111-105 in an hneh a, team pahnih ten game thum ve ve an lak tak avangin game 7 khelh a ngai dawn. May 4, Pathianni zing dar 5:00-ah chak zawk an chingfel ang.