Leipzig hneha champion ka duh - Kompany

Bayern Munich chuan zanin dar 7:00 hian Red Bull Arena-ah RB Leipzig an tlawh dawn a, Vincent Kompany hote hian hnehna an chang a nih chuan Bundesliga-ah an champion dawn.

Amaherawhchu zanin inkhelah hian Harry Kane chu hrem vangin a inlan thei dawn lo a, English striker tana nomawi hmasa ber tur a nih avangin zaninah hian Bayern-in champion la nemnghet lo se titu an ṭhahnem.

Hemi chungchang zawhna chhangin Kompany chuan, "RB Leizpig hneha champion nemngheh kan duh. Tuna kan champion vanga Kane a tan a hlut loh phahna a awm lo," tiin a sawi.

Kane a chungchang sawi zuiin Kompany chuan, "Harry Kane hi kan player ṭha ber zinga a mi a ni ringawt lo a, a rilru put hmang pawh a dik. Leizpig hmachhawn tur ang thoin training a hmachhawn a ni," tiin a fak.

Bayern boss Kompany hian champion lawm lam erawh a la ngaihtuah loh thu a sawi a, chutihrualin hrem vanga inlan thei lo tur Kane erawh Leizpig-ah a zin ve ngei a rinawm thung.