Inter tan indahṭhat a ngai?

Champions League semifinal match hautak an khel zo chiah a, match hautak dang khel zui leh turin Inter Milan an inbuatsaih a ngai - Barcelona hmachhawn tur an nih avangin player ṭha ṭhenkhat chu league match lama hahchawlh tir an ngai dawn.

Simone Inzaghi-a tana buaina tur pakhat a awm. Serie A nomawi an kawl lai chu hloh mai thei dinhmunah an ding mek, an match hnuhnung bera an chak loh avangin an hmahruaina chu Napoli lakah an chan.

Inter Milan hian zanin dar 12:15-ah Hellas Verona an mikhual dawn, an tan chak loh a thiang chuang lo. Inzaghi-a'n hrem vangin Hakan Calhanoglu a chhawr thei dawn lo, midfielder ṭha hi Barca hmachhawn turin a hahdam thei tihna a ni.

Striker Lautaro Martinez chu hliam vangin a khel thei dawn rih lo bawk - Argentina international hi a chawlh chen tur sawi lawk theih a la ni lo, tlarhma lamah chuan Marko Arnautovic leh Mehdi Taremi te an inkawp mai a rinawm.

Zanin dar 9:30-ah Napoli chu Lecce an lenchilh dawn thung. Antonio Conte naute hian point liin hma an hruai mek a, tlak hlau khelmuala lut tur an nih avangin an fimkhur a ngai dawn a, league bak ngaihtuah tur dang an neih tawh loh avang erawh chuan Naples club hian thapui an thawh thei ang.