Djokovic a inhnukdawk

Novak Djokovic chuan Italian Open a khel dawn lo tih a sawi chiang a, clay court inelna lian French Open hmain inbuatsaihna tournament hran a khel dawn tawh lo tihna a ni.

Grand Slam vawi 24 champion tawh Djokovic hian season a hmang fuh lo, nomawi a la chawi miah lo. Rome khawpuiah hian kum 2007 aṭang khan a la inlan char char ṭhin a, vawi ruk ngawt a champion tawh - nomawi a chawi hnuhnung ber chu 2022 a ni thung.

Serbian star Djokovic hian Italian Open a khelh loh tur thu chauh a sawi a, a inlan theih loh chhan tur erawh a puang lo thung. Paris khawpuiah erawh inelna lian chu hmachhawn thei tura ngaih a ni.

Djokovic a inlan theih dawn loh lai hian Jannik Sinner erawh a inkhel thei leh dawn tawh thung. World number 1 Sinner hi damdawi hman phal loh a hman avangin thla thum chhung hrem a ni a, tunah chuan hremna hi a hmang zo ve leh tawh dawn a ni.