Swiatek hnehtu Gauff

Madrid Open champion lai Iga Swiatek chu Coco Gauff hneh loin semifinal-ah a zinkawng a tawp, vawiin chawhnu dar 2:00 hian Gauff leh Aryna Sabalenka ten final an khel zui leh nghal ang.

Champion lai a ni a, clay court hi a inkhelh thiamna a nih bawk avangin Swiatek chu rinkai zawk a ni. Mahse, Polish nula hian a service vawi nga ngawt a hloh a, darkar khat leh minute li chhungin 6-1, 6-1 in a chak lo.

Grand Slam vawi nga champion tawh Swiatek chuan, "Ka game pangngai ka khel thei tlat lo, ka khelh theih loh chhan chu Coco chet ṭhat vang kha a ni ve bawk," tiin a khingpui chuan chaka phu zawk tih a sawi.

Semifinal inkhel dangah Sabalenka chuan Elina Svitolina chu 6-3, 7-5 in a lo hneh ve bawk a, clay court inelna lian French Open inbuatsaihna tournament pawimawh a nih avangin a pawimawh hle.