Gauff hnehin Sabalenka a champion

Madrid Open hmeichhe final-ah Aryna Sabalenka chuan Coco Gauff chu 6-3, 7-6 (7-3) in a hneh a, clay court inelnaah hian a vawi thum nan a champion.

Zirtawp zan khan a hmawrbawkna hi neih niin, world number 1 Sabalenka hian set khatna chu a thunun hneh hle. Mahse, set hnihnaah erawh an inkhel tawk, championship point a hmuh hmasak pawh a chhawr ṭangkai thei lo.

Belarus nula Sabalenka chuan, "Khingpuite nawr chiam hi ka thiam zawng a ni lem lo a, mahni inveng tak chung sia remchang zawn hi ka tih dan a ni. Gauff pawhin tun hnaia ṭha takin a rawn khel leh thei tawh avangin ka lawmpui," tiin a sawi.

May 25 aṭangin French Open an khel dawn, clay court inelna lian atan hian player-ten inbuatsaihna an nei chho mek.