Player naupangten min tilawm - Enrique

Paris Saint Germain manager Luis Enrique-a'n Arsenal hmachhawntu player 10 ngawt thlak chungin Ligue 1 match an khelhpui a, an mikhualna ramah Strasbourg chu 2-1 in hneh lo mah se a naute khelh danah a lawm.

Enrique chuan, "Academy aṭanga rawn inzir chhak player pali ten bul an ṭan a, match pumpui thlir kha chu kan khel ṭha hleah ka ngai. Strasbourg kha season thara Champions League khelh beisei ngam an nih avangin hmachhawn an awlsam lo," a ti.

Paris club hian Ligue 1 nomawi an humhim chiang tawh. Nilaini zanah Champions League semifinal second leg khel turin Arsenal an lo mikhual leh ang, European football inelna sang bakah hian French Cup final khelh tur an la nei bawk.