Hunthar tan chak a ngai

EverHome Pro Volleyball League khelh laiah, champion lai Hunthar chu an zanin dar 8:00 hian an match pathumna atan Sihphir an hmachhawn dawn a, point hlawh chhuah a pawimawh ang.

Hunthar hi an match hmasa pahnihah an chak lo, an khingpui tur Sihphir erawhin point thum an hmu tawh thung. Hunthar tan champion lai ni chung sia a hniam bera awm chu thil nuam a ni dawn lo.

An match hnuhnung zawkah an thiampuipa Anurag Rawat-a'n ball hmu tam mah se vawi 12 ngawt tihsual a nei a, chakpui nan a tawk zo lo. Chutihrualin, tualchhung player zingah amah thlawptu a mamawh ve bawk.

TNT an ngam loh ṭumin Lalramhluna, Joseph Zairemtluanga, Rohluzuala leh Laldampuia ten point hnih an nei a, result ṭha neih an duh a nih chuan Anurag an thlawp ṭhat a pawimawh dawn a ni.