Double century siamtu Kohli

India-in New Zealand nen Test Series vawi thum an khelh turah vawi hnih an chak tawh a, Holkar Cric-ket Stadium, Indore-ah test vawi thumna khelin din-hmun ṭha takah an ding mek.

India hian bat hmasain Murali Vijay (10 runs), Gautam Gambhir (29) leh Cheteshwar Pujara (41) ten runs tih tham siam lo mah se captain Virat Kohli-a'n run 211 zet vaw chhuakin Ajinkya Rahane-a'n run 188 an siam bawk.

Captain Kohli leh Rahane out hnuah Rohit Sharma (51 not out) leh Ravindra Jadeja (17 not out) te an che ṭha zui a, innings khatnaah India hian run 557 siamin wicket nga chauh an la hloh tihin an declare.

New Zealand-in an target hi an um nghal a, he thuziah lai hi chuan over 4-ah run 17 siamin wicket an hloh lo.