Russia-ah Shivani a vul

Badminton inelna lian zinga pakhat Russian Open Grand Prix chu Pathianni khan khelh zawh a ni a, Indian shuttler Ruthvika Shivani chu hmeichhe singles-ah a champion.

Kum 19-a upa Ruth-vika hian a Grand Prix title hmasa ber la turin khawtual nula Evgeniya Kosetskaya chu minute 26
chhung lekin 21-10, 21-13
in a hneh. India tlei-rawl duhawm hian kumin South Asian Games final pawh khan Rio Olympic silver medalist PV Sindhu a lo hneh tawh a, tun din-hmun-ah chuan Indian hmei-chhe shuttler zinga beiseiawm berte zinga mi a ni.

Mixed doubles lamah pawh Indian shutter
N Sikki Reddy leh Pranaav Chopra te
ṭangdun chuan Russian duo Vladimir Ivanov leh Valeria Soro-kina te chu 21-17, 21 -19 a hnehin an champion ve bawk. Hetih lai hian mipa singles final-ah erawh Siril Verma chu 21-16, 19-21, 10-21
in Malaysian shuttler Zulfadli Zulkiffli lakah a chak lo thung.