Bangladesh-in England hneh

Bangladesh-in Thawh-ṭanni khan an mikhual England chu ODI series vawi thum khelh tura a vawi hnihnaah 34 runs in an hneh a, series-ah 1-1 in an nihrual chiah.

Sher-e-Bangla, Dha-ka-a inkhelah coin toss-a chak zawk England-in vawm hmasak an thlang a, Bangladesh-in an bat hmasa thung. Bangaldesh tan Mahmudullah chuan run 75 siamin Rahim (21 runs), Mosaddek Hossain (29), N Hossain (27) leh Mortaza (44) ten an thlawp ṭhat avangin over 50-ah wicket riat hlohin run 238 an siam.

England tana che
ṭha ber captain Jos Buttler-a'n run 57 chiah a siam thei a, mikhual team hi over 44.4-naah out vekin run 204 chiah an tlin. Tigers (Bangladesh kohna) captain Mashrafe Mortaza chuan batting lama a thawh hlawk ang thoin bowling lamah a che ṭha a, run 29 lek pein wicket li a la.

Nilaini hian Chitta-gong-ah series hnuhnung ber khelh a ni dawn a, an inkhelh hnuhnun ber ṭuma an inngur deuh avangin inkhel a nung ṭha khawp ang. Bangladesh hian England captain Buttler an vawm hlum
ṭumin uar deuh takin an lawm a, Buttler-a thinrim hi umpire-in a dan a
ṭul hial.