Arsenal-in min duh - Mahrez

Leicester City forward Riyad Mahrez chuan nipui transfer lai khan Arsenal-in lakluh tuma an biak ngei thu leh a club in an chelh tak zawk thu a sawi chhuak.

Algeria international hi season hmasa a Foxes-in Premier League nomawi an chawi theih nana player pawimawh niin PFA Player of the Year a thlan a ni hial. Nipui lai khan Arsene Wenger chuan Emirates Stadium-ah seng luh ngei a tum a, hetih lai hian khawvel hmuha ti lartu Claudio Ranieri-a'n King Power Stadium-ah a chelh thung.

Kum 25-a upa Mahrez chuan, "Nipui lai khan sum tam tham takin Arsenal hian min lakluh an duh ngei a, mah se Leicester hian an hnehna khel zel turin min duh a, min chelh," tiin a sawi.

Mahrez hian season hmasa khan Premier League-ah goal 17 a khung a, tun season-ah erawh a club tan league match sarih a khelh aṭangin goal khat chiah a la khung a, Foxes hi table-ah 12-na a nih pui mek. Hetih lai hian a hnar tak Arsenal erawhin point 16 hmuin pathumna dinhmun an luah mek thung.

Algerian winger Mah-rez chuan, "Ka ngaihdan chuan he hmuna ka cham chhunzawm hi thutlukna dik niin ka hria a, hun harsa kan hmachhawn chhohah hian eng tiang taka ṭha nge ka nih tih fiahna hun a ni dawnin ka hria," a ti. Mahrez hian Foxes-ah kum 2020 thleng cham turin contract a nei mek.