A sang pali zingah Federer leh Nadal tel lo

Nimin khan Association of Tennis Professionals (ATP) chuan ranking thar a ti chhuak a, world number 1 hlui pahnih Rafael Nadal leh Roger Federer te chu kum 13 hnua a vawi khat nan a sang pali zingah an tel lo!

Kum 30-a upa Nadal hian point 4,730 hmuin pangana a ni a, point 3,730 neitu Federer chu pasarihna a ni thung. Novak Djokovic chu a hmun ngaiah la dingin Andy Murray, Stan Wawrinka leh Kei Nishikori ten an dawt.

Grand Slam vawi 14 champion tawh Nadal-a'n kuminah beisei a phak lo a, Barcelona leh Monte Carlo Open-ah te champion-in major title a la miah lo. Mipa zinga Grand Slam champion la hnem ber Federer (17) hian Wimbledon semifinal-a Milos Raonic a hneh loh ṭuma a khup hliam hnuah a la inkhel leh lo a, kuminah inkhelh a tum tawh rih lo a ni.

ATP Ranking Thar

# Player Ram Points

1 Novak Djokovic Ser 13,540

2 Andy Murray GB 9,845

3 Stan Wawrinka Swi 5,910

4 Kei Nishikori Jpn 4,740

5 Rafael Nadal Spa 4,730

6 Milos Raonic Can 4,690

7 Roger Federer Swi 3,730

8 Gael Monfils Fra 3,745

9 Tomas Berdych Cze 3,470

10 Dominic Thiem Aut 3,295