Benteke-a'n goal rang ber a khung
Belgium striker Christian Benteke-a'n Gibraltar lamah second 8.1 lekah goal khungin international match-a goal rang ber a ni.
Thawhṭanni zan khan Red Devils hian Gibraltar hi 6-0 in khualmualah an sawp a, Roberto Martínez hote hian FIFA World Cup Qualifier Group H-ah point kua hmuin hmahruaitu an ni. Greece-in Estonia 2-0 in an hneh bawk a, Euro 2004 champion leh Belgium hian match thum khelh tawhah an khingpuite an la hneh vek.
Group B-ah Portugal-in Faore Islands 6-0 in an sawp a, European champion hian hetiang zat bawk hian Zirtawpni zan khan Andorra an lo sawp tawh bawk. Amaherawhchu Fernando Santos hote hian an match hmasa bera Switzerland 2-0 laia an hneh loh avangin pahnihna an ni. Vladimir Petkovic hote hian Andorra 2-1 in an hneh a, Portugal aiin an chakna zat hi tlem zawk mah se match thum khelha an la chak vek avangin Switzerland hi Group B hmahruaitu an ni.
Belgium tan Benteke
Belgium-in Gibraltar 6-0 a an sawp ṭum hian Benteke-a'n
hattrick a siam bakah Axel Witsel, Dries Mertens leh captain Eden Hazard ten goal khat ṭheuh an khung bawk.
Benteke hian second 8.1 lekah goal a khung a, Crystal Palace striker hian San Marino striker Davide Gualtieri-a'n kum 1993-a England lama second 8.3 leka a khung chu a khum.
Belgium hian Euro 2016-a beisei an phak loh hnuah an coach Marc Wilmots banin Roberto Martinez an lalut a, Everton manager hlui hnuaia an match hmasa berah Spain (friendly match) an hneh loh avangin Spanish manager hi anmahni ṭantuten an 'boo' hial.
Tunah erawh Belgium-in result ṭha an nei a, World Cup qualifier-ah la chak vekin Gibraltar an sawp hma hian Bosnia-Herzegovina chu 4-0 in an sawp tawh bawk.
Greece-in team tlo an nih zia lantir zelin Estonia lakah Vasilis Torosidis leh Kostas Stafylidis te goal hmangin 2-0 in an chak a. Edin Dzeko goal hnih hmangin Bosnia and Herzegovina-in Cyprus 2-0 in an hneh bawk.
Portugal tan striker thar
Portugal-in Cris-tiano Ro-nal-do thlawp-tu striker an nei ṭha tawk lo tiin sawi ṭhin a ni a, tunah erawh an nei dawn hnai niin a lang. Porto striker André Silva chuan Andorra laka ram tana a goal hmasa ber a khung hnuah Faroe Islands lakah hattrick a siam a; Ronaldo, Joao Moutinho leh Joao Cancelo ten goal khat
ṭheuh an khung belh bawk.
Kum 20-a upa Silva hi feet ruk leh inches khata sang niin Portugal tan age level inelna hrang hrangah a inlan kim vek tawh a, kumin August 26 khan national team coach Fernando Santos-a'n ram tana khel turin a ko a. September 1-a Gibraltar nen friendly match an khelh
ṭumin ram tana a match hmasa ber a khel a, tunah hian ram tan match li khel tawhin goal li a khung tawh - hmabak a nei êng hle.
Portugal boss Fernando Santos chuan, "Goal ruk lai khung mah ila Faroe Islands laka kan point hmuh zat chu point thum tho a ni. Tunah chuan point hloh a thiang tawh lo a, qualifier tawp hunah hmahruaitu kan nih ngei a ṭul a ni," tiin a sawi.
Group B inkhel dangah Swit-zerland-in first half-a Fabian Schar-a penalty leh Admir Mehmedi tauh luh hmangin Andorra 2-1 in an hneh. Com-petitive international match hnuhnung 57-ah Andorra hi an chak lo vek a, Switzerland nen erawh point an hlawh chhuak teuh hle.
Hungary-in Euro 2016 hnua a vawi khat nan hnehna an chang a, Adam Gyurcso leh Adam Szalai te goal hmangin khualmualah Latvia 2-0 in an hneh.