Ronaldo leh Goal

European champion Portugal-in Andorra leh Faroe Islands te 6-0 ve ve a an sawp ṭumin Cristiano Ronaldo-a'n goal nga a khung a, Real Madrid forward hian ram tan goal 66 a khung ta.

Ronaldo hian Europe ram bika mahni ram tana goal khung tam lamah parukna dinhmun a luah chho a, Sweden striker chawl ta Zlatan Ibrahimovic (Goal 62) a khum. Kum 31-a upa Ronaldo chung chiahah hian Gerd Muller leh Robbie Keane (Goal 68) te awmin Ferenc Puskas (Goal 84) chu ram tana goal khung tam ber a ni.

Real Madrid forward hian an ramah goal 31 a khung a, khualmualah goal 25 khungin goal 10 dang hi inelna liana (FIFA World Cup leh Euro) a khung a ni. Ronaldo hian match khata goal li khung vawi khat a nei tawh bakah hattrick vawi thum a siam tawh bawk. Match khata goal hnih khung ṭum 10 a nei a, match khata goal khat khung
ṭum 33 a nei bawk.

Ronaldo hian Ar-me-nia lamah goal nga khungin Andorra, Estonia, Netherlands leh Sweden lamah goal li ṭheuh a khung tawh bawk. Portugal captain hian ram 33 lamah goal khung tawh mah se France, Spain, Germany, Italy leh England te lamah goal a la khung miah lo.

Europe ram bika goal khung tamte

Player Ram Goal Khelh Zat

Ferenc Puskas Hungary & Spain 84 89

Sándor Kocsis Hungary 75 68

Miroslav Klose Germany 71 137

Gerd Müller West Germany 68 62

Robbie Keane Republic of Ireland 68 146

Cristiano Ronaldo Portugal 66 135

Zlatan Ibrahimovic Sweden 62 116

Imre Schlosser Hungary 59 68

David Villa Spain 59 97

Jan Koller Czech Republic 55 91

Joachim Streich East Germany 55 102

Wayne Rooney England 53 117

Poul Nielsen Denmark 52 38

Jon Dahl Tomasson Denmark 52 112

Lajos Tichy Hungary 51 72

Hakan Sukur Turkey 51 112

Thierry Henry France 51 123

Robin van Persie Netherlands 50 101