Hman leh tun : Dunne-a'n kar khatah £35 a hlawh

Manchester United-in Premier League-ah rorel leh ngei tumin pound maktaduai 89-in an player hlui Paul Pogba chu Juventus
aṭangin an lalut a, French midfielder hian kar khatah £300,000 a hlawh anga ngaih a ni.

May 1964 khan United-in Shamrock Rovers aṭangin goalkeeper Pat Dunne chu £10,500 in an lalut a, Irish keeper hian season khatnaah Manchester United hi a champion pui nghal. Red Devils hian first division (khatih hunlaia England league sang ber) champion puitu goalkeeper hi kum hnih atan contract an pawhsei sak nghal a, kar khata an hlawh pek zat chu pound 35 a ni.

Dunne hian nomawi a chawi hnu hian kum hnih dang Manchester United tan a khel leh a, kum 1967-ah United-in Plymouth-ah £5,000 in an hralh. Plymouth aṭang hian an khaw club Shamrock-ah letin match 150 chuang a khelh sak leh a, 1997-98 season khan Irish club hian Hall of Fame-ah an telh. September 25, 2015 khan Dunne hi kum 72-a upa niin a thi.

Dunne-a'n contract a pawhsei ruala a lehkha dawn chu a tupa leh a ṭhianpain khawvel hmuh theih turin reddit website kaltlangin an pho chhuak. United club secterary-in hawihhawm taka Dunne-a hnena lehkha a thawn chu a sira thlak a mi ang hi a ni.