Chennai Open khel lo tur Wawrinka

India rama tennis inelna langsar berte zinga mi Chennai Open 2017-ah Stan Wawrinka a inlan dawn lo. Swiss tlangval hi he inelna hmunah hian a zawnin kum riat zet a inlan tawh a, season thara India a rawn pan loh chhan tur hi Australian Open inbuatsaih nan Brisbane Open-ah inlan a duh zawk vang a ni.

Grand Slam vawi thum cham-pion tawh Wawrinka chuan, "Brisbane hi inelna nuam leh
ṭha tak a nih avangin kum tharah chuan inlan ve ka tum. Major tournament hmasa ber inbuatsaih nana duhthusam a ni ngei ka beisei," tiin season bul a
ṭanna tur hmun a sawi.

US Open champion Wawrinka hi Chennai Open-ah hian vawi li a champion tawh a, tun hnai kum thum chhung phei chu a zawnin a champion vek. Tun hma lama Chennai-a kan hmuh ṭhin Rafael Nadal pawh nakkum kum tir lamah hian kan hmu dawn lo tih a chiang tawh bawk.