Zaninah NorthEast United inlan dawn

Thawhṭanni zanah Indian Super League-ah inkhel a awm lo a, zanin dar 7:00 hian NorthEast United chuan khualmualah Pune City an lenchilh dawn. Higlanders hian an match hmasa pahniha hnehna an chan hnuah Mumbai City chu khualmualah an hneh lo a, zaninah chak ngei an tum ang.

Pune City-in an match hmasa bera hnehna an chan zawh loh hnuah marquee player Mohamed Sissoko an chhawr thei tawh a, Liverpool midfielder hlui ho hian khualmualah Zico enkawl FC Goa chu 2-1 in an hneh. Zaninah an khelmuala khel tur an nih avangin hmachhawn an hautak dawn.

Portugal coach hlui Nelo Vin-ga-da enkawlna hnuaia khel North-East United hian Mizo rawlthar Lallian-zuala Chhangte, Jerry Mawi-hmingthanga leh Lalrempuia Fanai te an nei a, Zuala leh Rempuia ten match thum an khelh tawhah an hmel an la lan loh laiin Jerry-a'n match hnuhnung berah Mumbai City a hmachhawn thung.

Pune-in Mizo pakhat Zoding-liana an kawl a, ISL season hmasa pahniha NorthEast United leh Del-hi Dynamos player rinrawl ni phak hian Valencia coach hlui Antonio Lopez Habas enkawlna hnuaiah hmun a la chang phak lo.