Barcelona player pahnih inhliam

Spanish champion Barcelona-in international match chawlh laiin chan-chin lawmawm lo an nei a, goalkeeper Jasper Cillessen leh midfielder Sergi Roberto te chu ram tan inkhel tura an fehchhuahna lamah an inhliam.

August thlaa Claudio Bravo thlak tura an lakluh Cillessen hian Inrinni khan Netherlands team-ah training an neih laiin a kerekah hliam a tuar a, a hliam hi enfiah a nih hnuah kar thum tal chawlh a ngai dawn.

Tun season-a Barcelona tana match riat khel tawh Roberto hian Pathianni World Cup qualifier-a Spain-in Albania 2-0 a an hnehna inkhelah khan training-naa a hliam avangin a hmel a lan thei lo a, Catalan club chuan kum 24-a upa midfielder hliam rei zawng tur hi an la hriat theih loh thu an puang.