Rosberg a ṭawng fimkhur

Formula 1 cham-pion-ship-a hmahruai mektu Nico Rosberg chuan no-mawi chawi tura phili buai a la hun loh thu leh a dinhmun a la him tawk loh thu a sawi.

Mercedes driver Ros----berg hian Pathianni a tlan zawh tak Japanese Grand Prix-ah khan hnehna changin champion lai Lewis Hamilton lak-ah point 33 zetin a sang fal tawh. Kuminah intlan-siak hmabak pali chiah a awm tawh a, driver cham--pionship-ah chuan pahnihna aia hniam a ni thei tawh lo.

Kum 31-a upa Rosberg chuan, "Tunah hian huai takin ka la ṭawng ngam lo, a chhan chu ka elpui Lewis hi huaisen taka inelna hmachhawn ṭhin leh beidawng ngai lo a ni. Zauthau a la hun lo a, dawhthei taka nghah hun zawk a ni," tiin a sawi.

German driver Rosberg hian tun season intlansiak vawi 17 an hmachhawn tawh aṭangin ṭum kua zet hnehna a chang tawh a, intlansiak hmabak la awm paliah hnehna a chang vek a nih chuan a hnam pui Michael Schumacher leh Sebastian Vettel te record lo siam tawh season khat chhunga vawi 13 hnehna chan theih record a tluk dawn a ni.