Milik a hliam na

Napoli striker Arka-diusz Milik chu a khup na vangin thla thum chhung vel a chawlh a ngai dawn a, beisei ang chuan nakkum January thlaah a lo kir leh thei chauh ang.

Poland international hi World Cup qualifying-a Denmark 3-2 a an hneh
ṭumin a khup a hliam a, first half-ah lakchhuah a ngai hial. A hliam endik a nih hnuah a chawlh hun tur hi a chiang chauh.

Kum 22-a upa Milik hian nipui transfer lai khan Ajax aṭangin pound maktaduai 28.93-in Serie A club hi a zawm a, a khelh chinah season hmasa league top scorer Gonzalo Higuain hmunruak a hnawhkhat zo rih hle - lea-gue match ruk a khelh
aṭangin goal li a khung tawh a, inelna hrang hrangah goal sarih a khung der tawh.

Napoli chuan thu-chhuah siamin, "Minute 40 chhungin hlawhtling taka zai a ni. Kan beisei dan chuan thla thum hnuah a lo kir leh kan ring, thla thum leh a chanve pawh a ni mai thei. Hlawhtling taka zai a nih avangin kan lawm a, dam leh thuai turin duhsakna kan hlan," tiin an sawi.