D Licence Course

October 14 hian Lunglei-ah Mizoram Football Association buatsaihin AIFF D Licence Coaching Course neih a ni dawn a, seat ruak 10 chiah a awm tawh.

D Licence Course chhim duh tan MFA Office (near City Park) a form la hmasa duhsak an ni ang a, form hi Rs 50 man a ni. Course fee hi Rs 2,500 niin kal man leh Lungleia thlenna man hi mahni intum tur a ni ang.

Tun ṭumah hian Lunglei DFA tan seat 10, Siaha leh Lawngtlai DFA tan seat nga ve ve dah a ni a, a dang seat 10 hi a dil hmasa 10 hnenah pek tur a ni ang a, vawiina tihfel a ngai tawh ang.

Rajiv Gandhi Stadium, Mualpuiah D Licence Course hi ṭum thum neih a ni tawh a, tun ṭum hi Aizawl pawna neih hmasak ber tur a ni. Course instructor tur chu Lalruatliana Sailo (Tawia) a ni ang.