Saina a dam hnai

India hmeichhe zinga badminton inelnaa Olympic medal la thei hmasa ber Saina Nehwal chu a hliam a dam chho mek a, harsatna lian tham nei loin training a zawm leh thei tawh.

London Olympic bronze medalist Saina hi Rio Olympic-ah khan India medal dawn beiseina ber pakhat a ni a, mah se hmeichhe singles-ah knockout round a lut zo lo. A khup hiam vangin duhthusamin a khel chhuak thei lo a, tun thlengin court chhungah a la inlan leh rih lo a ni.

Kum 26-a upa Saina chuan, "Harsatna nei loin ka tlan ve leh thei ta, ka dam leh theih nana min enkawltute chungah lawmthu ka sawi. Hun rei tak inkhel thei loa awm chuan court chhunga luh leh ringawt pawh hi lawmna tham a tling a, tunah chuan hma ka sawn zel ka beisei," a ti.

World number 1 hlui Saina hi hliamin a tih buai ngun avangin kuminah a inkhel tam lo a, a inkhelh chhunah beisei a phak loh bawk avangin tun dinhmunah chuan world number 5 a ni mek.