Anfield-a chak beisei Mata

Manchester United playmaker Juan Mata chuan karleha Liverpool nen an inhmachhawn tur thlirlawkin Anfield-ah league match-a a zawna vawi thum nan hnehna an chan theih ngei a beisei thu a sawi.

Season hmasa Europa League last 16-ah Man-chester United hian Jurgen Klopp-a naute ngam lo mah se Premier League-ah erawh March 2015 leh January 2016 khan Anfield-ah lenglutin hnehna an chang ve ve a, Mata hian goal a khung ve ve bawk.

Mata chuan, "Inter-national break avangin tun karah inkhel lo mah ila kan hma lawkah tun season-a inkhel pawi-mawh berin min hmuak a, Anfield-ah kan zin dawn a ni. Team pahnih hi tun hnaiah kan chet
ṭhat avangin inkhel hmuh-nawm tak kan chhawp chhuah ka ring a ni," a ti.

Manchester United hian an league match hnuhnung berah Stoke City chu 1-1 in an in-hnehtawkpui a, Mata chuan, "Anfield-a inkhelh hlan kan nghakhlel tawh takzet a, kan theihna tak tak pholan hi kan châk tawh a ni. Stoke nen kan inhnehtawk hnua player-ten kan châk ber chu inkhelh leh vat kha a ni a, Anfield-a kan zin hnuhnung pahnih ang khan point thum nena haw ngei kan beisei. Anfield-a chak hi he club hian hmalam a pan a ni tih tihlan nan pawh a pawimawh a ni," tiin an hmelma khelmualah hnehna chan ngei a inbeisei.