Pep khan kawng a sial lawk - Ancelotti

Bayern Munich coach Carlo Ancelotti chuan Pep Guardiola khan hna ṭha taka a lo thawh tawh avangin a tan Allianz Arena-ah bul ṭan a awlsam phah thu a sawi.

Manchester City boss Guardiola hian a zawnin Bayern hi Bundesliga nomawi vawi thum a chawipui a, tunah pawh Premier League-ah City chu a duh dan ang thuakin a khelhtir leh thei der tawh.

Italian manager An-celotti chuan, "Hna bul ṭan a awlsam, a chhan chu player-te hian thil engkim an hre sa tawh a, anmahniah hian hriatna leh inrintawkna thuk tak a awm sa a ni," tiin a sawi.

Kum 57-a upa Ance-lotti kaihhruaina hnuaiah Bayern hian an league match hmasa pangaah hnehna an chang vek a, tun hnaia an match hnuhnung pahnihah erawh an chak zo lo. Cham-pions League-ah Atletico Madrid an hneh loh hnuin league-ah FC Cologne nen an inhnehtawk zui bawk.

Italian manager An-celotti chuan sawi chhun-zawmin, "Ngaihdan leh ruahmanna thar kan nei a nih chuan kan nauten an ngaihvenin an bengkhawn ṭhin. Tun dinhmunah chuan ka naute hian kum thum liam ta chhunga an thil zir leh hriat kha an la chhawm zel rih. A pawimawh ber rih chu nuam ti tak leh zalen taka an inkhelh chhunzawm theih hi a ni," tiin a sawi.