CYMA Football-in ngaihven a hlawh nghal

LBS Suzuki 22nd Inter Branch YMA Football Tournament 2025 chu nimin aṭang khan khelmual paliah ṭan a ni a, ngaihven a hlawh nghal hle. Inkhel en man hi Rs 20 a ni a, veng/khua hrang hrangten ṭawiawmtu an nei nghal a, hei hi tualchhung football tan chanchin lawmawm a ni.

All Mizoram Inter Village Football hnuhnung bera finalist Ramhlun North-in New Serchhip Chhekhnai 4-0 a hneh loin an tla nghal. New Serchhip hian I League-a Indian player goal khung tam ber ni zawn thei Lalrinzuala an kawl a, Rinzuala hian goal hnih a khung. Chite Playground-a inkhelah mualneitu Chite-in Ramhlun Sport Complex 3-0 in an hneh a, ṭantu an nei ṭha.

Chawnthansanga enkawl College Veng, Kolasib-in Reiek an hneh lo a, Kolasib lam hian an player pawimawh C. Lalhunmawia (Lahuna) awm loh an tuar. Reiek tan an khaw club MPL kai puitu Chawnga enkawl an hneh hi hlawhtlinna a ni thei ang.

Champion rinkai ni pha Armed Veng South-in Vangtlang 3-1 chauhin an hneh a, hei hian inelna a awlsam dawn lo tih a nemnghet. Champion tawh Zotlangin Kawnpui Bangla Veng hneh loin an tla nghal bawk.