Hnehna nen Kvitova a lo kir

Wimbledon vawi hnih champion tawh Petra Kvitova chuan fa a neih hnuah tennis a khel thei leh ta a, tennis chawlhsan mai tum hman tawh khan tunah chuan Madrid Open-ah hnehna a chang ve leh ta.

Thawhlehni zan inkhelah Petra Kvitova hian Irina-Camelia Begu chu 7-5, 6-1 in a hneh a, a match lehpekah chuan seeded 27-na Ons Jabeur a hmachhawn leh ang.

Kum 35 mi Kvitova chuan, "Tennis ka khelh leh beiseina kha a tlem em em a, a nihna takah chuan 95% vel kha chuan chawlh ka tum hman. Mahse, fa neih hnuah pawh ṭha takin a la inkhelh theih a ni tih fiah leh kha ka duh a ni," tiin a sawi.

Czech nula Kvitova hian kum 2011 leh 2014 khan Wimbledon title a lo la tawh, fapa a neih vangin kum khat leh thla thum chhung a inkhel thei lo a, chumi hnuah a inkhel leh a ni, a vanglai chuan world number 2 dinhmun pawh a lo luah tawh a ni.