Djokovic chak nuamsa

World number 1 Novak Djokovic chuan a kiu na a dam chiang tawh tih lantir chhunzawm zelin Shanghai Rolex Masters khelh mekah Vasek Pospisil a hneh a, third round a paltlang.

Seeded pakhatna Djokovic hian nimin tlai khan world number 131 Pospisil chu 6-4, 6-4 in a hneh, Pospisil nen hian vawi li an intawnna niin hnehna a chang vek. Serbian thiampuipa hian US Open final-a a chak loh hnua a match hmasa berah Fabio Fognini a lo hneh tawh bawk.

Kum 29-a upa Djo-kovic hi Shanghai Rolex Masters-ah hian vawi thum a champion tawh a, kuminah pawh hian champion tura rinkai berte zingami niin match hnih a khelh tawhah set a la hloh miah lo.

Inkhel dangah Jo-Wilfried Tsonga chuan German rawlthar duh-awm Alexander Zverev chu inkhel hmuhnawm leh inhnehtawk takah 6-7 (4/7), 6-2, 7-5 in a hneh hram.

Kum 19-a upa Zverev hi tunlai tennis star chhuak thar hmuhnawm ber pawl a ni mek a, thla hmasa khan St. Petersburg-ah champion-in tun hnai kum riat chhunga kum 20 hnuai lam ATP tour title la thei hmasa ber a ni - tunah hian world number 21 a ni mek.

Wimbledon finalist Milos Raonic chuan kum 24-a upa Jack Sock lakah set hmasa berah game hloh miah lo mah se 6-0, 4-6, 7-6 (10/8) in a chak lo zawkah a ṭang.