Lionel Messi a dam

Barcelona thiampuipa Lionel Messi chu kar thum chhung a ṭhâl na vanga a inkheh theih loh hnuah Nilaini khan harsatna nei loin Catalan club training-na hmun Ciutat Esportiva-ah trai-ning pangngai a nei ve leh thei tawh.

Argentina captain Messi hi thla hmasaa Atletico Madrid nena 1-1 a an inhenhtawk ṭum-in a hliam a, a chawlh chhungin Argentina chuan World Cup qualifying match hnih khelin hnehna an chang lo.

Luis Enrique-a tan Messi hliam a dam hi chanchin lawmawm a ni a, a lawmna belhchhahtu tur chu defender Samuel Umtiti khup hliam a dam bawk hi a ni ang. Hetihlai hian defender Jordi Alba leh Croatia midfielder Ivan Rakitic te hliam erawh a la dam lo thung.

Barcelona hian Inrinni zan hian league match khel turin Deportivo La Coruna an lo mikhual ang a, karlehah Champions League khel turin Pep Guar-diola enkawl Man-chester City an lenchilh ang.