Naupangin nomawi an chawi lo ang - Wenger

Player naupang zawkte chher hriam leh enkawl tuipui tak Arsene Wenger chuan naupang tan champion nomawi chawi theih a nih loh thu a sawi chhuak! Arsenal manager hian champion tur chuan kum 23-30 inkar nih a pawimawh thu a sawi tel bawk.

French manager hi naupang enkawl chung-changa fak hlawh a ni
ṭhin a, kum 30 chung lam player phei chu season khat chhung atan bak contract a zawrh ngai meuh lo. Ama player chher chhuah hmangin hlawhtlinna lo chang tawh ṭhin mah se Wenger hian kum 2003-04 hnuah Premier League nomawi a la chawi leh lo a, a ngaihdan nghet tak kha a sawh sawn ta em ni a tih theih.

Kum 66-a upa Wenger chuan, "Football player puitling tak ni tur chuan kum 23 tlin a ngai, hemi hma hi chuan zir tur leh hmabak tam tak a awm a ni. Champion nomawi chawi tur chuan kum 23-30 inkar ho inchawhpawlh ṭhat a pawimawh a, rawlthar thaza rual leh senior player tawnhriat nei ṭha an thawhho a ngai a ni," tiin a sawi. Wenger hian tuna a enkawl lai zingah Hector Bellerin leh Alex Iwobi te chu theihna sang tak nei bik an nih thu a sawi tel bawk.

Arsenal hian season hmasa khan league no-mawi an chawi teuh hle a, thlasik chawlh hnua an talbuai avangin Leicester City tluk loin pahnihna an ni. Kuminah pathumna ni mekin Inrinni hian Emirates Stadium-ah Swan---sea an lo mikhual ang.