Real Madrid inkhel entu awm dawn lo

Europe-a football thuneitu sang UEFA-in Legia Warsaw dilna an hnawl tak avangin karleha Champions League group match khel tura November 2-a Real Madrid an lo mikhual hun-ah Army Stadium stadium khar a ni dawn - inkhel entu fans an awm dawn lo.

Thla hmasa khan Polish club hian Borussia Dortmund mi-khualin 6-0 ngawtin an tlawm. Kha inkhelah khan Legia Warsaw fan-te chuan an mikhual German fans an bei a, venhmina hnathawktute pawh an bei tel hial.

UEFA chuan, "Ngun taka ngaih-tuah a nih hnuah 28 Sep-tember, 2016 thil thleng avanga Legia Warsaw-in an buaina an khinletna chu hnawl-sak an ni," an ti. Legia hi an fan-te chet dan
ṭhen-khat kang mei siam, inkal pawhna dal leh thil vawmte avang--in £69,000 (Rs. 56,11,708.71) chawi-tir an ni.

Legia Warsaw hian match hnih an khelh tawh aṭangin point an la hmu a lo a, Group F-ah a mawngphah niin Thawhlehni zan hian Real Madrid khel turin an zin ang a, November 2 khian Army Stadium ruakah Spanish club lian hi an lo mikhual ang.