Derby coach thar chu a hlui

Championship club Derby County chuan kum khat leh thla nga liam taa an ban hnu Steve McClaren chu manager thar atan season thar lo awm tur tawp thleng atan an lalut leh ta.

England team pawh lo enkawl tawhtu McClaren hian inhriathiam tawnna a Inrinnia bang ta Nigel Pearson hmunruak a luah ang. Manager lailawk Chris Powell chu assistant manager a ni zui thung dawn a ni.

Kum 55-a upa McClaren chuan, "He club tana ka hun hmasa tawp lam khan min ti lungngai a, result leh boruak ṭha lo kan neih kha hriatreng ka duh lo. Tunah chuan rilru leh beiseina thar nen bul kan ṭan ang," a ti.

McClaren hian Derby a chhuahsan hnuah Newcastle a enkawl zui a, Magpies hi Premier League match 28 a enkawl aṭangin vawi ruk chiah hnehna a chanpui a, kumin March thla khan ban a ni.

Derby president Sam Rush chuan, "Hun hmasa lamah pawh thil chhinchhiah tlak tam tak a lo ti tawh a, tun ṭumah pawh hian a lakah beiseina kan nei sang hle," a ti. Derby hi point 10 hmuin Championship table-ah 20-na an ni mek a, an hnuaiah club pali chiah an awm.