Villa manager thar Bruce

Premier League aṭang-in tla mah se Aston Vil-la boruak a ring zel. Cham-pionship club hian Hull City leh Birmingham City pawh lo enkawl tawhtu Steve Bruce chu manager thar atan an lalut.

Manchester United cap-tain hlui Bruce hian October 3-a an ban tak Roberto di Matteo hmunruak a luah a, tun hnai thla 12 chhunga Villa manager parukna a ni. Villa Park-a a hna hmasa ber atan Inrinni zan hian league match khel turin Wolves an lo mikhual ang.

Aston Villa hian sea-son thara Premier League khelh tumin nipui transfer laiin sum seng hnem mah se beisei an phak lo a, match 11 khelh tawh aṭanga point 10 hmuin league table-ah 19-na an ni mek - kum 55-a upa Bruce hna hi a awlsam dawn lo.

Bruce chuan, "Kan rama club liam berte zinga mi ka enkawl thei tur hi ka lawm a, he club hi thlen a duh leh beisei chin thlenpui thei turin theihtawp ka chhuah ang. Tun hnai kum rei lote chhunga club chhunga thil kalfuh tawk lo awm hi siamṭhat theih ka inbeisei," tiin a sawi.