BVT-ah Mawitea

Mizoram Premier League Season 5-a hma-hruai mektu Bethlehem Vengthlang FC-in MPL hmasa bera Dinthar FC champion puitu Lal-nunmawia an lalut.

Ramhlun South tlang-val Mawitea hi tual-chhung football ngaina-tute zingah mi thar a ni lo a, Dinthar FC-in nomawi an chawi ṭumin goal ruk khungin 'best player' tur ang hial a ngaih ni mah se hliam pui a tawrh avangin season tawp niah a inlan lo.

Mawitea hian MPL season thum chhung Din-thar FC tana a khelh hnuah Chanmari FC a zawm a, hliam a tawrh hnuah ngai a awh tawh lo - MPL season hnuhnung pathumah goal li chiah a khung.

First division club Ramhlun FC tana khel mek Mawitea hian a thiam a la hloh lo tih MFA Super Cup-ah a lantir a, Aizawl DFA hnuaia first division khelh mekah a la hmuhnawm reng bawk.

Kum 2014-a Mizo-ramin Santosh Trophy leh Dr TAo Football an champion ṭuma goal nga khungtu Mawitea an neih takah chuan BVT goal nawr a na sawt ang. Chanmari FC striker Malsawmfela nau Mawitea hi tlarhma lamah chuan khawi position-ah pawh a khel thei a, an unau zinga mi Vanlalthlamuana chu Ramhlun North player pawimawh a ni bawk.