Final zan fighter of the night Anthony

Anthony Lalduhawma'n Pro Fight-ah hneh loh a la tawng lo. Govt Complex tlangval Anthony hi kum 2010 leh 2011 khan lightweight-ah a champion a, kum 2014 khan a inlan theih loh vang chauhin a kawnghren a hloh.

Kum nga hnuah Anthony-a rawn kir a, kum zawna Title Fight hmachhawn thei Reiek tlangval Lalrinawma chu Ningani zan khan a knockout. Govt Complex tlangval hi Haier D3 Fighter of the Night-ah thlan niin zanina kawnghren kawl lai Lalmuanpuia nena an inhnek tur hian ngaihven a hlawh bik ang.

Middleweight final hmuhnawm takah Rinawma chu round hmasa pahnihah a chungnung zawkin a lang a, Reiek tlangvalin Title Fight a hnaih hman hle. Amaherawhchu round thumnaah Anthony-a'n a ṭuan a la fum lo tih lantirin Rinawma khabe bawrah na takin a hnek a, a dawm zui nghal bawk. Reiek tlangval luhai hi chiai hle mah se referee
T. Lalthlengliana'n vawi riat a chhiar hnuah a bei zui leh a, ngai erawh a awh tawh lo. Govt Complex tlangval Anthony-a'n nawr na sawtin vawi thum a hnek fuh hnuah referee Thlenga'n inhnek a titawp.

Anthony hi Pro Fight bika hneh loh la tawng lo a nih miau avangin champion lai Lalmuanpuia aia dahhniamna tur a awm lo. Khatla tlangval Muanpuia hian champion kawnghren a hren hmasak ber (2009) khan Anthony hi a tel lo a, Pro Fight hnuhnung pahniha a champion
ṭumin Govt Complex tlangval hi a tel lo bawk - hei vang hian Muanpuia hi champion dik tak a chhiar theih a ni lo.

Govt Complex tlangval Anthony hian kum 2010 leh 2011 khan Muanpuia hi Title Fight-ah a lo hneh tawh a, zanin hi Khatla tlangval tan phuba lakna remchang a ni. Muanpuia hian hnehna a chang thei a nih chuan Abel Lalawmawia (Lightheavy) record tlukin a vawi li nan Pro Fight-ah a champion ang.

FINAL-RESULTS

LIGHTFLY

Lalthanga (Bungkawn Vengthar) bt Laldingliana (Tuipui)

Split decision (39-38, 37-39, 39-37)

BANTAM

Zonuntluanga (Dinthar) bt James Laltlanmawia (Maubawk)

Split decision (39-37, 39-37, 37-39)

LIGHT

Anthony Lalduhawma (Govt Complex) bt Lalrinawma (Reiek)

Knockout (Round 3, minute 1:34)

LIGHTHEAVY

Johnkenty H.C. Vanhlimpuia (Tuipui) bt H. Lalrinhlua (Hnahthial)

Knockout (Round 2, minute 1:46)

EXHIBITION BOUT

MIDDLE (Hmeichhia)

Abisak Vanlalmawii (Vaphai) bt Lalrinmuani (Bungtlang South)

Unanimous decision (40-36, 40-36, 40-36)

Lalfakmawii Ralte (Vaivakawn) bt Lalramngeni (Sangau)

Unanimous decision (40-36, 40-36, 40-36)