Jayaram-a'n quarterfinal lut

Indian badminton star Ajay Jayaram chuan a nomawi kawl lai humhim turin harsatna a la tawk lo. Dutch Open Grand Prix badminton tournament khelh mekah Ningani zan khan Marius Myhre hnehin quarterfinal a lut.

Seeded pakhatna Jayaram hian seeded 16-na Marius chu 21-6, 21-6 in a hneh, quarterfinal-ah chuan Brazil shuttler Ygor Coelho De Oliveira nen an inhmachhawn leh ang. Jayaram-a'n hnehna a chan lai hian Indian mipa singles shuttler dang Parupalli Kashyap erawh seeded parukna Raul Must lakah 18-21, 18-21 in a chak lo thung.

Inkhel dangah mixed doubles pair B Sumeeth Reddy leh Meghana Jakkampudi te ṭang dun chu Netherlands pair Jelle Maas leh Imke Van Der Aar te lakah 21-16, 21-18 in an chak. Men's doubles lamah seeded pakhatna Manu Attri leh B Sumeeth Reddy te chu Jacco Arends leh Ruben Jille ta ṭang dun lakah 19-21, 19-21 an chak lo thung.